Мексикански специјалитети

Тортиљи со спанаќ и сирење

Вкусна варијанта на мексиканскиот специјалитет.

Време на подготовка:
10 мин.

Време на готвење:
10 мин.

Вкупно време:
20 мин.

Порции

2 лица

Состојки

  • 75 гр. спанаќ
  • 1 кромид
  • 50 гр. фета сирење
  • 150 гр. рендан пармезан
  • 4 тортиља пити
  • бибер

 

Подготовка

Зовријте вода во едно тенџере и бланширајте го спанаќот 1 минута. Потоа исплакнете го со ладна вода. Исецкајте го спанаќот и измешајте го во еден сад со фета сирењето, пармезанот и ситно исецкан кромид.

Загрејте тава на рингла на среден оган. Врз една тортиља распределете половина од смесата па поклопете ја со втора тортиља. Ставете ги тортиљите во тавата и печете ги 2-3 минути од едната страна. Потоа внимателно превртете ги и печете ги од другата страна додека да добијат златно жолта боја и да се растопи сирењето. Повторете ја постапката со останатите две тортиљи и остатокот од смесата.

Послужете ги тортиљите топли. Пријатен апетит.

8 јануари 2013 - 07:00