Пилешка тава

Рижото со пилешко

Вкусна комбинација од ориз, печурки и пржено пилешко со сусам.

Време на подготовка:
30 мин.

Време на готвење:
30 мин.

Вкупно време:
60 мин.

Порции

4 лица

Состојки

  • 300 гр. пилешки гради
  • 250 гр. печурки
  • 200 гр. грашок
  • 2 помали моркови
  • 1 чешне лук
  • 1 црвен кромид
  • магдонос
  • сусам
  • сол и бибер
  • црвен пипер
  • 300 гр. ориз
  • масло за готвење

Подготовка

Пилешките гради исечете ги на ленти.

Зачинете ги со сол , бибер и црвен пипер. Потоа извалкајте ги во сусам и пропржете ги неколку минути во загреана тава со малку масло.


Потоа извадете ги од тавата. Во истата тава додадете уште малку масло и пржете го кромидот ситно исецкан. Додадете го оризот и добро промешајте за да се намачкаат зрната со масло. На овој начин оризот нема да се залепен. По неколку минути готвење додадете ги исецканите печурки, моркови и грашок. Зачинете со сол и бибер. Можете да додадете и други зачински тревки по ваш вкус. На крај додадете го ситно исецканиот лук и свеж магдонос. Во тавата додадете 3 дл. вода. Оставете го оризот да се провари неколку минути. Потоа префрлете го во огноотпорен сад.

Одозгора наредете ги пржените пилешки филети. Покријте го со фолија и печете во загреана рерна 30 мин.

21 јуни 2012 - 20:14