Време на подготовка:
1 час.
Време на готвење:
15 мин.
Вкупно време:
1 час и 15 мин.
Порции
4 лица
Состојки
- 500 гр. говедско филе, исечено на парчиња
- 3 тиквички
- 2 помали моркови
- 2 жолти пиперки
- 400 гр. шампињони
- 1 бел кромид
- 2 лажички ѓумбир
- 1/2 чаша бело вино
- 3 лажици соја сос
- 3 лажици масло за готвење
- 1 лажичка шеќер
- 1 лажица пченкарно брашно
- 1/2 лажичка сода бикарбона
- сол и црн бибер
Подготовка
Во еден сад измешајте сода бикарбона, 1 лажица соја сос, пченкарно брашно, 1 лажица бело вино, сол и бибер. Додадете го говедското месо исечено на парчиња и маринирајте го најмалку еден час.
Зеленчукот исецкајте го на парчиња и оставете го на страна.
Загрејте во една поголема тава 2 лажици масло на многу силен оган. Поделете го говедското месо на 5 дела и пржете го секој дел одделно по 3 минути со постојано мешање и потоа извадете го од тавата.
Потоа во тавата додадете уште малку масло и ѓумбир. Додадете го исецканиот кромид и пржете околу половина минута. Додадете ги печурките и пржете ги половина минута. Потоа додадете ги во тавата со печурките морковите и пиперката па гответе ги 2 минути со постојано мешање. Додадете ги тиквичките и пржете го целиот зеленчук уште една минута.
На крај додадете го говедското месо со остатокот од виното, соја сосот, една лажица масло и лажичка шеќер. Гответе ги уште 5 минути. Зачинете со сол и бибер по вкус.
Послужете го топло.
