Време на подготовка:
30 мин.
Време на готвење:
30 мин.
Вкупно време:
60 мин.
Порции
4 лица
Состојки
- 400 гр. +2 лажици доматно пире
- оригано
- сол и бибер
- мешан зачин
- сув магдонос
- масло
- 600 гр. мелено телешко месо
- 1 поголема главица кромид, ситно сецкан
- 1 кутија канелони
- 250 гр. крем сирење
- 200 гр. рендан кашкавал за пица
- 2 лажици свеж босилек, ситно сецкан
Подготовка
Загрејте две лажици масло во длабока тава и пропржете го кромидот додека да добие светло кафеава боја. Потоа додадете го меленото месо и пржете уште 5-10 минути додека да добие светло кафеава боја. Зачинете го сол, бибер, магдонос и мешан зачин по вкус. Додадете 2 лажици доматно пире и промешајте.
Загрејте ја рерната на 200 степени. Измешајте го доматното пире во длабок сад со сол, бибер и оригано по вкус. Премачкајте со малку масло едно правоаголно тавче. На дното истурете 50 гр. од зачинетиот доматен сос. Наполнете ги канелоните со мала лажица со 3/4 од меленото месо. Наредете ги во тавчето. Одозгора премачкајте ги со крем сирењето. Истурете го врз канелоните преостанатиот зачинет доматен сос и остатокот од меленото месо. Изрендајте го кашкавалот врз месото.
Печете ги канелоните 30 минути во загреана рерна. Послужете ги веднаш декорирани со ситно сецкан босилек.
На здравје!
