Време на подготовка:
15 мин.
Време на готвење:
45 мин.
Вкупно време:
60 мин.
Порции
18 лица
Состојки
- 1 лажица растопен путер
- 150гр. бело чоколадо, искршено на коцки
- 100гр. путер
- 2 јајца
- 1 лажичка ванила екстракт
- 190гр. брашно
- 145гр. ореви, сецкани
- 155гр. шеќер во прав
- дополнителен шеќер во прав за декорација
Подготовка
Загрејте ја рерната на 180 степени. Премачкајте тавче со една лажица растопен путер. Обложете го со хартија за печење.
Ставете ги чоколадото и путерот во длабок огноотпорен сад над длабоко тавче со зовриена вода на рингла. Огноотпорниот сад не треба да ја допира водата. Со метална лажица мешајте го чоколадото и путерот додека не се растопат на пареата. Оставете ја смесата да се излади 5 минути.
Во еден сад изматете ги јајацата со ванила. Додадете ги јајцата и ванила екстрактот во чоколадната смеса и мешајте додека да се соединат.
Во длабок сад измешајте брашно, ореви и шеќер. Полека додадете ја чоколадната смеса и добро промешајте. Префрлете ја смесата во тавчето за печење.
Печете го колачот 40 минути. Оставете го во тавчето 6 часа (или преку ноќ) сосема да се излади пред да го послужите.
Декорирајте го колачот со шеќер во прав и исечете го на коцки.
На здравје!
