И, што има во отвореното писмо?
Човекот кажува дека тој и неговото семејство имаат мака, дека секој ден (секој ден?) испраќаат претставки до Собранието, дека се игнорирани и дека заради тоа тој ќе мора физички да се пресмета со пратеницитге од ВМРО ДПМНЕ.
Дека последново е всушност најбитната поента поради која текстот и е објавен, говори и тоа што токму тој дел е одбран како тизер за писмото.
Зошто оваа преписка е битна за јавноста?
Појма немам.
Со оглед на тоа што американскиот амабасадор е познат и релевантен лик, требаше некој на читателите да им даде плус инфо и за испраќачот, за да се знае 'о чему се ради' во ова отворено писмо. Бидејќи таа форма е резервирана токму за ситуации кога субјектите им се познати на јавноста а и темата е релевантна за неа (инаку, постојат писма на читатели, одјеци и реаговања и сл).
Овде имаме еден непознат пишувач со желба некого да истепа. Се разбира, сигурен е дека има право на тоа.
А испраќачот, оние што го следат Блогерајот, одамна го познаваат како "Индијанец". Тој е упорен, отворен, бескромпромисен, брутален и гневен дечко. И отсекогаш бил таков. Ако се зачитате, имате чувство дека е гневен на половина Македонија.
Еве дел од референците на авторот:
* Писмо до Метју Нимиц и Екатимерини!
* Тужба за плоштадот Скендер Бег!
* Тужба за случајот Маѓар Телеком!
* Јохан и Љубе љубовниците на Албанската мафија!
* Б.Ц. доби флеш у глава, само незнам дали е од коката или вискито!
* Копилиња измамнички!!!!!!!!!!!!!!!
* Да се уапси Предраг Ристич!!!
* Тужба против "Скопје 2014"и неговите креатори!
* Неверникот Дедо Стефан и криминалците!
* Оспорен Рамковниот договор пред Управен суд-Скопје!
И уште катаљарда слични постови. Петрушевски изгледа како да им има пишано на сите судови и институции во земјава, на планетава и пошироко (вкупно 1.600 претставки).
(особено е симпа што ваквите постови знае да ги стави во категории поезија, миленичиња, мистерии, љубов...)
Сепак, зошто оваа преписка e воопшто битна? Заради амабасадорот на САД или заради тепањето вмровци?
Појма немам.
