No country for old men

Кога „јас" е некој друг

Уште не сме стигнале до таму, но насетуваме - ќе дојде момент кога ништо во огледалото нема да потсетува на нас. Смислил ли некој веќе такво со вграден Фотошоп?

Фотографот Том Хасеј муабетел со Гарднер, пријател на татко му, ветеран од Втората светска војна, кога овој му рекол: „Уште се чувствувам како да имам 20. Потоа се погледнувам во огледалото и гледам некој непознат". Тоа го поттикнало да направи една фотографија на оваа тема, на која пред огледалото е самиот Гарднер, а во одразот млад и згоден манекен.

Една рекламна агенција ја видела фотографијата и го најмила Хасеј да направи кампања за лек за Алцхајмер - најчест вид деменција. Но не мора да страдате Алцхајмер за да имате некаква „замрзната" слика за вашето „вистинско јас". Тешко е да се прифати дека ова е променлив концепт, особено ако работата оди на полошо. Но дури и кога телото почнува да ве издава, радувајте се ако во огледалото сè уште гледате млад и весел човек, какви што се луѓето на овие фотографии.

 

 

 

 

 

10 август 2012 - 08:20